لاهاطلب من سيادتك امر مستعصي ولاهطلب منك تدير شئون البيت والاولاد
كل الي بطلبة  شويه تقدير
يعني مكون دفيانة فعز الشتاء وبردانه
متجيش سيادتك وتقولي اعمليلي حاجه اكلها
ولااعمليلي حاجه اشربها ودفيني
مهو انا لعلمك زيي زيك
بردانه ودفيانه
يعني لوحضرتك اتكرمت وعملتلي معاك كوباية  نسكافيه
هكون شاكرة ومقدرة لمجهودك العظيم الي عملته
عزيزي زوج المستقبل
كل الي بطلبة منك شويه تقدير
يعني  مكون تعبانه  وشايلة هم  مايتلم فالبيت والولاد
متجيش  سيادتك  علي الصبحيه بدري وتصحيني وتقولي
عاوز افطر!!
متتشطر وتعمل حاجه تاكلها
دققيتين وهتعملك سندوتيشين
وهكون شاكرة  ومقدرة لمجهودك العظيم الي عملته
عزيزي زوج المستقبل
كل الي بطلبه منك شويه تقدير
يعني مكنش انا متابعة مسلسل تركي ووصلت لحلقة 140
وخلاص هااانت وهوصل لنهاية
وتجي سيادتك تمسك الريموت علشان تتفرج علي ماتش بين
قرية فرحات وعزبة فتكات
مفهاش حاجه لوسبت المسلسل واهو يكون منك جميل عظيم...
عزيزي زوج المستقبل
صدقني مش هطلب منك كتير
لانطبخ ولاتغسل ولاتكوي ولاتنظف ولاتلم الغسيل
كل الي بطلبه منك شويه تقدير